Vieiros

Vieiros de meu Perfil


Edición xeral

RSS de Edición xeral
Para saber o que son os cómaros, as veigas, os lameiros…

Medio Ambiente e a RAG impulsan o primeiro dicionario sobre a paisaxe

O manual nace para conservar o patrimonio lingüístico e ambiental, recollendo termos, palabras e expresións populares que definen a paisaxe de Galiza.

Redacción - 19:08 04/10/2007

A Consellaría de Medio Ambiente e Desenvolvemento Sostible e a Real Academia Galega (RAG) van traballar conxuntamente na elaboración do primeiro dicionario sobre a paisaxe de Galiza, no que van recoller os termos, palabras e expresións populares que definen a riqueza do patrimonio natural do noso país.

A partir de agora ámbalas dúas entidades van colaborar na investigación e busca semántica dos termos, xiros lingüísticos e localismos, así como a estruturación, redacción e maquetación do novo dicionario.

O primeiro dicionario da paisaxe galega
O manual será o primeiro deste tipo no que se recollen as voces galegas relacionadas coa paisaxe e se establecen os seus conceptos. Son palabras moi arraigadas na sociedade, que dan mostra da vinculación histórica entre o home e a paisaxe, chegando a ser símbolo da identidade galega, que moitas veces son esquecidas no día a día. A obra servirá para usar correctamente a terminoloxía propia relacionada coa paisaxe, e con ela preténdese preservar dunha soa vez o patrimonio lingüístico e ambiental.

O dicionario editarase en papel e difundirase a través da páxina da Consellaría de Medio Ambiente. Cada termo aparecerá acompañado dunha fotografía que axude a identificalo.


2.67/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Unha típica paisaxe galega, con eucaliptos e todo. Agora, todo terá un nome co novo dicionario / Flickr: triart3d
Unha típica paisaxe galega, con eucaliptos e todo. Agora, todo terá un nome co novo dicionario / Flickr: triart3d