Vieiros

Vieiros de meu Perfil


Euskadi

Edición xestionada por Vieiros
RSS de Euskadi
POR ORDE DO XUÍZ GARZÓN

Detidos 23 dirixentes de Batasuna cando celebraban unha asemblea

Os membros da formación política vasca estaban reunidos para anovar a súa executiva.

Redacción - 09:49 05/10/2007

O xuíz da Audiencia Nacional Baltasar Garzón ordeou a detención da cúpula de Batasuna. A actuación policial tivo lugar mentres que dirixentes da organización política vasca estaban a celebrar na noite do xoves unha reunión en Segura (Guipuzkoa). Segundo as primeiras informacións, axentes da policía coñecían con antelación que ía producirse a xuntanza para anovar a dirección e tiñan controlado o inmóbel.

Entre os detidos figuran destacados dirixentes da esquerda independentista vasca como Joseba Permach, Rufi Etxebarría e Juan José Petrikorena. Todos foron conducidos a dependenciais policiais de Donosti onde pasaron a noite. Agárdase que o vindeiro domingo sexan trasladados até a Audiencia Nacional.

A actual Mesa Nacional de Batasuna esta conformada por 38 persoas. O seu voceiro, Arnaldo Otegui, permanece na cadea dende o pasado mes de xuño. Unha das primeiras organizacións vascas en pronuciarse foi Aralar. Esta formación cualificou as detencións de “barbaridade xudicial e política”.


Poden ampliar en Deia, Gara e El Correo.


2.33/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: