Vieiros

Calcúlase que unhas 400.000 persoas participaron nas tarefas de limpeza da marea negra que chegou ás costas galegas en 2002, após o afundimento do petroleiro.

A través dunha pregunta na Cámara Alta, Jorquera lémbralle ao goberno español que existe unha investigación na que se analizaron 810 casos, que revela unha serie de enfermidades e doenzas respiratorias entre mariñeiros que estiveron en contacto co chapapote. Por iso o senador nacionalista considera "lóxico" deducir que os problemas están a afectar a todas as persoas expostas, independentemente da súa profesión.

Segundo indica Jonquera, os investigadores recomendan a necesidade de realizar un seguimento da saúde da poboación analizada, que, despois dun ou dous anos, presenta un maior risco a sufrir síntomas respiratorios, hiperactividade bronquial, estrés oxidativo, inflamación pulmonar, remodelado branquial e vascular e dano cromosómico.

"Unha vez determinado o grao de afectación, habería que adoptar as medidas médicas oportunas", salienta Jonquera, lembrándolle ao goberno de Zapatero que, se cadra, tamén é preciso estabelecer medidas compensatorias nos casos nos que persoas sufriran problemas severos.