Vieiros

Vieiros de meu Perfil


Edición xeral

RSS de Edición xeral
Bota a andar a ACB

Outro ano sen básquet galego na máxima categoría

Un chanzo por baixo, a LEB acolle os equipos galegos máis destacados: Beirasar Rosalía e Leite Río Breogán.

Redacción - 11:30 06/10/2007

De León a Murcia ou de Badalona a Granada, a máxima competición a nivel estatal no mundo do baloncesto, a ACB, cobre xeografía diversa, máis non pasará por Galiza esta tempada. Para atopar as mellores formacións do país hai que descender até a LEB Ouro, onde os seareis composteláns do Beirasar Rosalía e os afeccionados lugueses do Breogán agardan que os seus equipos consigan praza de ascenso.

A pasada tempada, o Leite Río Breogán quedou mesmiño ás portas do play-off de ascenso, facendo noveno posto e con igual número de vitorias ca de derrotas. Na tempada 2007-2008 os composteláns comezaron forte, con tres vitorias consecutivas, a última este mesmo venres fronte ao Inca. A racha permítelles liderar provisionalmente a categoría. Mentres, os lugueses intentarán este sábado darlles unha alegría aos afeccionados en pleno San Froilán loitando na casa pola primeira vitoria.

A Liga Feminina aínda non comezou
Por outro lado, quedan aínda algunhas semanas para que dea inicio a competición feminina. Nese caso si haberá representación galega na máxima categoría. O Celta Vigo-Urbán e o Extrugasa de Vilagarcía serán as formacións aspirantes ao título nesta liga. De feito, os dous equipos desputarán pola primeira vitoria na xornada de inauguración, o próximo sábado 27 de outubro ás 19h30 na cancha do Extrugasa.


Toda a información nas webs da FEB e da ACB.


3/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: