Vieiros

Vieiros de meu Perfil


Galego.org

Xestionado por Vieiros
RSS de Galego.org
NOVAS FERRAMENTAS PARA O GALEGO

Unha web axudará a corrixir os apelidos deturpados

A Mesa pola Normalización publicará na rede a orixe e o significado de 1.900 nomes galegos e unha base de datos sobre sociolingüística.

Redacción - 18:45 11/10/2007
Callón asinou o acrodo con F. Blanco

Callón asinou o acrodo con F. Blanco

A Mesa pola Normalización Lingüística vai publicar en internet unha base de datos de 1.900 nomes propios e de persoa en galego. No caso dos apelidos, a ferramenta permitirá coñecer a súa orixe.

De ser a forma actual do apelido unha deturpación, a aplicación especificará a súa forma correcta no galego actual. Tamén aconsellará sobre como tramitar a restauración do apelido ao galego actual.

Os primeiros 200 apelidos este ano

A Xunta, que financia o proxecto, informa que "antes de finalizar o presente ano 2007, introduciranse nesta aplicación un mínimo de 200 apelidos, aumentando a cantidade progresivamente".

Así figura nun convenio que asinaron hoxe o presidente da Mesa, Carlos Callón, e o conselleiro de Industria, Fernando Blanco. A Xunta aportará 56.050 euros a esta e outras actuacións da Mesa no eido das novas tecnoloxías.

Material audiovisual

A creación dunha base de datos en liña sobre lexislación lingüística publicación na web de "un importante caudal de vídeos, audios e textos sobre sociolingüística, historia da lingua e dinamización lingüística" son outras das actividades da Mesa que subvencionará Industria.


4,94/5 (18 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: