Vieiros

Vieiros de meu Perfil


Máis Alá

Xestionado por Vieiros
RSS de Máis Alá
Proxecto Morro

Explicándolle a Construción a un porco vivo

Rubén Santiago participou en Portugal nunha experiencia artística que tivo como protagonista o bacoriño Emiliano.

Redacción - 10:50 13/10/2007

O artista sarriao Rubén Santiago foi un dos nove artistas internacionais que participaron no Morro Project, unha actividade artística que se desenvolveu en Costa da Caparica (Portugal). O proxecto consiste nunha construción temporal na que cada artista desenvolve a súa intervención no traballo do anterior.

Santiago encargouse de rehabilitar o espazo xerado polos artistas precedentes para convertelo nunha estrutura habitábel e habitada polo porquiño Emiliano. Así, construíu unha cuberta e un foxo de auga e lama que rodea a estrutura central como zona de lecer para o inquilino. Unha vez rematada a construción, desenvolveu a acción “Explicar a Construción a un porco vivo”, inspirada na performance de Joseph Beuys “Explicar a pintura a unha lebre morta”.

No seu caso, Rubén Santiago colleu a Emiliano no colo mentres lle contaba a fábula clásica Os tres porquiños.


3,83/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Contándolle a fábula
Contándolle a fábula
Emiliano na súa casa
Emiliano na súa casa
Rubén Santiago amosándolle o foxo a Emiliano
Rubén Santiago amosándolle o foxo a Emiliano