Vieiros

Vieiros de meu Perfil


Fwwwrando

RSS de Fwwwrando
Semana da Ciencia '07

A ciencia achégase á cidadanía

As actividades deste ano inclúen, como novidade, unha obra de teatro sobre a nanotecnoloxía.

Redacción - 13:00 05/11/2007

Este luns arrancan en todo o país as máis de 180 actividades da Semana da Ciencia 2007, que en realidade durará quince días. A Dirección Xeral de I+D+i da Consellaría de Innovación e Industria coordina un programa no que colaborarán medio cento de entidades. Como novidade, este ano, representarase unha obra de teatro científico.

A nanotecnoloxía será o fío condutor da montaxe da compañía Chévere, titulada Alá no fondo hai sitio abondo. A obra, interpretada por Clara Gayo, Pepa Yáñez e Arantxa Villar, ambiéntase no século XIX, época na que se mesturaban a ciencia, a maxia e o espectáculo, para achegarlles ao público, especialmente alumnado de primaria e as súas familias, os conceptos da nanociencia e espertar a súa curiosidade. A obra representarase en museos da Coruña, Lugo, Vigo e Ourense.
O director xeral de I+D+i, Salustiano Mato de la Iglesia, explicou que a semana é un fito de ámbito europeo para fomentar a implicación entre a ciencia e a sociedade, mediante exposicións, obradoiros, xornadas de postas abertas, concursos, feiras e cine, entre outras actividades.

Toda a programación pódese consultar na web da Semana da Ciencia 2007.


Ligazóns

4/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: