Vieiros

Vieiros de meu Perfil


Edición xeral

RSS de Edición xeral
A obra do monte Gaiás

A Fiscalía recorre o arquivo do caso 'Cidade da Cultura'

O Tribunal Superior de Xustiza considera prematuro rexeitar que se investiguen as posíbeis responsabilidades penais do anterior Goberno.

Redacción - 17:15 05/11/2007

A Fiscalía do Tribunal Superior de Xustiza de Galiza (TSXG) decidiu este luns recorrer o auto xudicial que arquivaba a denuncia da CIG sobre as contas da Cidade da Cultura. A Fiscalía basea a súa decisión en que considera “prematuro” arquivar o caso sobre as posíbeis responsabilidades penais da obra do monte Gaiás.

O feito de que na documentación achegada na denuncia “aparezan datos máis que suficientes” levan á Fiscalía a crer que se ha de “desenvolver unha investigación profunda, seria e pormenorizada de moitos dos aspectos relativos á obra, a súa adxudicación e o gasto”.

O venres fixérase pública a decisión do Xulgado de Instrución número 2 de Santiago de arquivar o caso por considerar que non era constitutivo de delito a pesar de se teren detectado irregularidades. A petición presentáraa a CIG a consecuencia do informe negativo do Consello de Contas sobre a planificación do proxecto da Cidade da Cultura do anterior Goberno.


4,89/5 (9 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: