Vieiros

"Cinco anos despois non hai un só quilómetro de AVE rematado nin autovía entre Vigo e Pontevedra, nin outras promesas", expuxo Alberte Núñez Feijoo durante a súa intervención na clausura do X Congreso local de Novas Xeracións do PPdeG en Vigo. "Os que antes estaban na rúa e agora están no Goberno esqueceron os compromisos", acusou a PSdeG e BNG, insistindo en que os compromisos deixados polo PP naquel tempo foron rachados polas actuais administracións.

"A mellor homenaxe que se lle podía facer aos afectados polo Prestige sería cumprir a palabra dada", opinou Núñez Feijoo. De paso, o presidente dos populares reprochoulle aos seus rivais políticos que "aínda non dixeron a que porto habería que levar ao petroleiro". Por outra parte, compartou a vaga de lumes do verán de 2006 cos "outros Prestige" que na súa opinión sofre Galiza. De paso, criticou que socialistas e nacionalistas "rifan entre eles por ter o protagonismo neste aniversario", unha rifa da que Feijoo se laiou que "é crónica durante todo o mandato".