Vieiros

Vieiros de meu Perfil


Edición xeral

RSS de Edición xeral
QUINTO CABODANO

O BNG alerta de que o país non está preparado para facerlle fronte a outro Prestige

Mentres, a Consellaría de Pesca asegura que se dispón de “maiores e mellores” medios ca en 2002.

Redacción - 07:00 13/11/2007

O deputado nacionalista Bieito Lobeira sinalou que os medios dos que dispón Galiza seguen a ser insuficientes para enfrontarse a outra catástrofe semellante á do Prestige. O parlamentario do BNG sostén que existen “deficiencias, carencias e problemas estruturais” de medios para o salvamento e a loita contra a contaminación.

Pola contra, o director xeral de Recursos da Consellaría de Pesca, Antonio García Elorriagam asegurou que Galiza é a comunidade que conta con “maiores e mellores” medios, aínda que matizou que a Xunta “non se conforma cos que ten”.

Aínda que Lobeira recoñeceu que había máis medios, xa que antes non había ningún, insistiu que seguían a ser deficientes. Como exemplo sinalou que Bélxica, que conta con moitos menos quilómetros de costa, conta con cinco embarcacións especializadas na loita contra a contaminación, mentres que en Galiza non existe ningunha.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: