Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Estréase a conferencia NorOeste

A Liga Nacional de Billarda arrinca por primeira vez na Coruña

A histórica data xa está posta e a Pista de billarda da Zapateira preparada para recibir en masa aos futuros palanadores da LNB. A Coruña estréase no billarda.

Redacción - 09:45 18/11/2007

Xa vos tiñamos contado que este ano a Liga Nacional de Billarda ten dúas conferencias, a NorLeste e a NorOeste, que ademais, acabados os seus partidos propios, hanse enfrontar entre si.

Pois ben, este domingo os palanadores da Conferencia NorOeste estréanse e estrean tamén campo. O domingo ás 16:00 horas a Pista da billarda da Zapateira será pisada polo pés billardeiros dos palanadores do outro lado do Miño (de esquerda a dereita e viceversa).

"Únete á tribo NorOeste dos aborixes do Varal!!!"
Segundo contan dende a asociación O Varal, organizadora da LNB, este é un ano crucial na espectacular progresión da Billarda-LNB que comeza a invadir o país con paláns e billardas, "a tempada 2007/2008 será recordada coma a do cambio de estrutura competitiva, pasando dunha liga monolítica a un sistema de conferencias", "a histórica data xa está posta e a Pista de billarda da Zapateira preparada para recibir en masa aos futuros palanadores da LNB".

Ao final do seu discurso, O Varal e la Conferencia NorOeste convídate a ti a facer parte da competición, xa que non pechou aínda o período de presentación de fichas e está aberta á participación espontánea.


4.33/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: