Vieiros

Vieiros de meu Perfil


Máis Alá

Xestionado por Vieiros
RSS de Máis Alá
NOVO DISCO, XA Á VENDA

Narf chanta un 'Totem' no camiño

Fran Pérez, Narf, presenta o seu segundo disco, 'Totem', 13 novas cancións editadas por Falcatruada e á venda dende o 20 de novembro.

Redacción - 12:55 21/11/2007

Mozambique, Inglaterra, Galiza, o océano. A música de Narf viaxa por riba dese océano, tocando unha e outra costa, contando historias cotiás con sons e ritmos de todo o mundo. A música de Narf é unha viaxe, a mesma viaxe que leva realizando vinte anos Fran Pérez, guitarra ao lombo. De aí, en parte, o título do seu novo disco, 'Totem'.

Conta Narf que "un tótem é un cruceiro sen brazos, un faro para os mariñeiros de terra. Cando un viaxa polo mundo adiante alimentado por ningunha outra cousa que o interese pola arte, é bon deixar pegadas sobre as encrucilladas de camiños para atopar o camiño de volta a casa". Narf volve a casa, despois dunha exitosa xira por Inglaterra, con concertos en Newcastle, Londres e Brighton.

'Totem', editado por Falcatruada, está á venda dende o 20 de novembro, e sucede a Só Tambor (2006). Narf actuará o 14 de decembro en Lugo, onde presentará as súas 13 novas cancións, entre as que destacan Santiago, Galician Lullaby ou Quero ser Tambor.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Narf presentou o seu novo disco en Inglaterra (Foto: Xavier Belho)
Narf presentou o seu novo disco en Inglaterra (Foto: Xavier Belho)
Fran Pérez, Narf (Foto: Xavier Belho)
Fran Pérez, Narf (Foto: Xavier Belho)