Vieiros

Vieiros de meu Perfil


Edición xeral

RSS de Edición xeral
LEI DE MEMORIA HISTÓRICA

Persoeiros da ditadura seguen a darlle nome a diferentes colexios públicos do país

A CIG, que lembra casos como o CEIP Francisco Franco de Beariz ou o Carmen Polo de Ferrol, pídelle á Consellaría de Educación que tome medidas.

Redacción - 18:40 23/11/2007

A simboloxía que exalta a persoas relacionadas coa ditadura militar pervive incluso en numerosos colexios públicos galegos. A CIG-Ensino está a desenvolver unha campaña que ten como fin a eliminación de toda a “simboloxía fascista dos centros de ensino”.

Dende o sindicato nacionalista consideran inconcebíbel que se manteñan nomes como o do Colexio de Educación Especial Carmen Polo de Ferrol ou o de participantes no golpe de estado e na represeión como é o caso do IES Almirante Salvador Moreno (Marín) ou o CPR Salvador Moreno de Pontevedra. Como exemplo máis explícito está o caso do CEIP Francisco Franco de Beariz, que está situado na rúa Carrero Blanco deste municipio ourensán.

Dende a CIG-Ensino subliñan que é absurdo pretender que os alumnos adquiran modelos de conduta democrática cando ao mesmo tempo nos seus centros se homenaxea a persoeiros relacionados coa ditadura. Por iso, solicitan que a Consellaría de Educación faga as xestións precisas para mudar os nomes.


4.2/5 (10 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: