Vieiros

Vieiros de meu Perfil


Edición xeral

RSS de Edición xeral
Conferencia de Bali

EUA negocia con China e India o veto aos límites de emisión de gases á atmosfera

Aínda que oficialmente di que quere puxar por unha "folla de ruta" para loitar contra o cambio climático, a realidade é ben diferente.

Redacción - 13:24 04/12/2007

Segundo puido saber o diario alemán Spiegel, representantes do goberno de Estados Unidos están a coordinar coa India e coa China o xeito de impedir a imposición de límites de emisión de gases á atmosfera.

En recentes declaracións oficiais, Washington sinalou que estaba á procura de acadar un compromiso na Conferencia sobre o Cambio Climático de Bali que sucedese ao Protocolo de Quioto -non asinado por EUA-, e que expira en 2012.

Porén, fontes consultadas polo xornal xermano recoñecen que a Casa Branca xa está na actualidade a negociar cos gobernos indio e chinés -concretamente no Cumio- para tombaren calquera norma vinculante que poida ser acordada en Bali.

Escudarse detrás dos países asiáticos

O obxectivo estadounidense é ter en quen se escudar para non ser a única voz discordante nesta materia, algo que podería conseguir se China e India esixen unha maior axuda financeira a cambio de reducir a cantidade de gases de efecto invernadoiro.

"O equipo de Bush non quere realizar ningún progreso real nos vindeiros días", -sinalou unha fonte oficial anónima- "mais tampouco queren ser de novo o foco das críticas internacionais". Esta sería a razón da nova táctica de EUA, máis aínda tendo en conta que xa non pode contar cos seus máis firmes aliados neste eido (e noutros).


Ligazóns

3/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: