Vieiros

Vieiros de meu Perfil


Máis Alá

Xestionado por Vieiros
RSS de Máis Alá
ORGANIZADO POLA ASOCIACIÓN DE DANZA ESCÉNICA

Música e danza improvisada, en Jamdansanasa

A Sala Nasa de Compostela acolle este xoves 6, a partir das oito e media da tarde Jamdansanasa, un espectáculo onde se fusionan a música ao vivo e a danza a través da improvisación

Redacción - 18:03 05/12/2007
Tags: danza nasa

Jamdansanasa é unha proposta única en Galiza, xa que as improvisacións dancísticas, máis frecuentes noutros países, non son habituais da escena galega.

Está organizado pola Asociación de Danza Escénica Galega, sendo esta a terceira sesión de Jam na que participan. Nesta ocasión son os bailaríns David Loira, de Pisando Ovos, Uxía Vaello e Xavi Rivero que se ocupen do movemento. Pola súa parte os músicos Isaac Garabatos, Iván Salgado e Mónica de Nut, de Sulproducciones e con experiencia na música de improvisación, porán a banda sonora á sesión.

Tanto músicos como bailaríns seguen unhas mesmas pautas, que nesta ocasión tratarán dos ciclos vitais, o azar e as repeticións. Deste xeito, tres bailaríns de diferentes sensibilidades estéticas, afondarán na danza a través dunha proposta común, enriquecendo coas súas contribucións artísticas individuais. Unha posta en escena máis performática que abre a danza a novas influencias, como as orientais, que chegan neste caso da man de Xavi Rivero.


4.5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



O espectáculo combina a danza e a música ao vivo (Foto: Rebeca Baceiredo)
O espectáculo combina a danza e a música ao vivo (Foto: Rebeca Baceiredo)