Vieiros

O director xeral de Xuventude, Rubén Cela, entregou este mércores 5 os Premios do Voluntariado aos centros gañadores das tres categorías que estaban estabelecidas e que resultaron ser, na modalidade de webquest o Instituto de Ensinanza Secundaria Castro da Uz das Pontes; na categoría de libro web colaborativo Colexio Mercantil de Vigo e o IES Terra de Trasancos de Narón; e na sección de graffiti o IES Carlos Casares de Viana do Bolo.

Durante o acto de entrega dos premios, Rubén Cela salientou o “espírito solidario que xurdiu nos galegos e galegas tras graves sucesos que conmocionaron ao país”, como foi o caso do Prestige e da vaga de lumes que asolou os nosos montes no verán de 2006. Grazas a esta marea solidaria puxéronse a andar moitas iniciativas de voluntariado, que influíron tamén nos máis cativos. Por iso o director xeral de Xuventude animou aos rapaces e rapazas a “seguir traballando para acadar unha sociedade na que primen os valores da solidariedade”.