Vieiros

Vieiros de meu Perfil


Edición xeral

RSS de Edición xeral
Segundo confirmou a Casa Branca

Bush xa coñecía en agosto que Irán non buscaba a bomba atómica

Porén, esta cuarta feira dixo que descoñecía até a semana pasada que Teherán suspendera o seu programa nuclear, tal e como desvelou un informe interno.

Redacción - 14:35 06/12/2007

O presidente do goberno de EUA, George Bush, foi informado en agosto que Irán suspendera o seu programa nuclear, segundo confirmaron fontes da Casa Branca que recolle Reuters. Porén, esta mesma cuarta feira, o dirixente estadounidense afirmaba que non tivera coñecemento desta situación até a semana pasada.

O pasado luns, a intelixencia do país norteamericano difundiu un informe recoñecendo que o goberno de Teherán parara o seu programa de armas nucleares en outono de 2003.

Durante meses, George Bush sinalou o país persa como unha ameaza para a comunidade internacional (a última vez, este martes), e o pasado mes de outubro alertou de que podería haber unha III Guerra Mundial se Irán continuaba a buscar a bomba atómica.


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: