Vieiros

O Modesto Figueirido, Premio Nacional de Narracións Curtas, decidiu premiar na súa edición deste ano o relato A Caixa da Costureira, do lucense Rubén Ceide. O premio, organizado pola Fundación do Pedrón de Ouro en colaboración coa Concellería de Cultura do Concello de Ourense, designou así mesmo dous segundos premios: Esperado regreso de Alberto E. Aneiros, e Desartellados, de Manuel Quintáns López, ambos de Santiago de Compostela.

Finalmente, o xurado recomendou a publicación derecomendou a publicación de Breve historia do pensamento contaxioso, de Xosé Luís Martínez Pereiro, O ascensor, de Chelo Suárez Muíños, e Bonaval, de Adolfo Caamaño Vázquez. O Acto de entrega será o día vintenove de decembro no Concello de Ourense.

En Dodro, o Eusebio López Baleirón
Nesta fin de semana de premios literarios, en Dodro fallouse o Premio de Poesía Eusebio López Baleirón, que foi para a a historiadora da Estrada María Nieves Soutelo Vázquez, co seu poemario Código Poético. O xurado do premio, que chega á súa vixésima edición, estivo formado por Xesús Rábade Paredes, Marica Campo, Antía Otero e Rafa Villar.