Vieiros

Vieiros de meu Perfil


Lusofonía

Xestionado por Vieiros
RSS de Lusofonía
Colaboran coa proposta do BNG

Portugal podería colaborar con medios técnicos para que vexamos a súa televisión

O goberno do país veciño mostrou interese na posibilidade de que as televisións lusas poidan transmitir para o noso país.

Redacción - 11:35 21/12/2007

Trala presentación ao goberno español dunha proposta do deputado nacionalista Francisco Rodríguez, na que solicitaba un múltiplex adicional para Galiza co fin de que se puidera ver así a televisión portuguesa, os dirixentes lusos non tardaron en dar o seu apoio á iniciativa. O ministro de Comunicação Social, Augusto Santos Silva declarou o seu total apoio a este proxecto e o interese de colaborar para lograr que saia adiante.

Santos Silva declarou que dentro das súas competencias e con respecto ás normas legais aplicábeis, “colaborarei nese desenvolvemento”. Dende o Portugal aseguran que o goberno luso está aberto a estudar a posibilidade de dar medios técnicos adicionais para a difusión da televisión portuguesa en Galiza. Malia isto, tamén mostraron a súa desconfianza dado que “este é un tema complexo, con dificultades técnicas, económicas e xurídicas”.

A Fundación Vía Galego (FVG), defendeu tamén a necesidade de que haxa unha vontade política para que as dificultades técnicas sexan “facilmente” superadas. Dende esta organización propoñen á Xunta “dar un paso ao fronte” e realizar a “análise rigorosa e profunda” solicitada por Zapatero para a aprobación do proxecto.


Ligazóns

4.72/5 (18 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: