Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
OPINIÓNS ENCONTRADAS

A Selección vista dende a blogosfera

Os blogueiros galegos ofrecen testemuñas gráficas e opinións sobre o partido do xoves, coas súas luces e sombras.

M. del Río - 14:14 28/12/2007
Un momento do encontro / Andrés Milleiro

Un momento do encontro / Andrés Milleiro

A resaca do Galiza-Camerún non lles deixou a moitos dos blogueiros tempo para escribir sobre o partido. Porén, o mediodía do venres xa se poden atopar as impresións e fotografías que deixaron diversos usuarios da rede. Un dos máis madrugadores foi Zerovacas, que levou a súa cámara a Balaídos e agasállanos con algunhas imaxes do ambiente. O autor cualifica o encontro de “fermosa noite”.

Tamén tirou fotografías do partido de fútbol, tanto dende o campo como dende o exterior, Andrés Milleiro. No seu Flickr ofrécenos unha visión en primeira persoa de como se viviu unha xornada histórica para o fútbol galego.

Engaden máis imaxes e unha crónica de como viviron o partido os cambadeses de Unha Grande Chea, que mesmo conseguiron un autógrafo de Óscar Pereiro. Galeguzo, aínda co furor do remate do encontro, narrou o que el define como a cronoloxía do mal de ollo da irmandiña ou unha serie de desafortunados feitos que coincidiron co Galiza-Camerún.

Outras visións negativas son as d'O Varal, que cualifica o amigábel como un “esperpento” e pide máis atención para outros deportes alén do fútbol. O Demo critica tamén o ambiente vivido no estadio vigués, entre o frío, o castelán e a denominación de “seleccións inferiores” mesmo á feminina absoluta.

E tamén hai opinións como a de David, de Mi rincón de Internet, que tacha o amigábel de “fiesta anual del nacionalismo gallego”. Na mesma liña está Gaviotero, fiel seguidor deste xornal, que máis ca centrarse no partido o que fai é valorar ao seu xeito a cobertura que fixo Vieiros.

Rematamos coas opinións máis estritamente deportivas: a de Hala Celta e a do Blog Otomano. Ambos os dous consideran positivo o empate co que rematou o encontro, polo feito de que a Selección segue invicta.


3,86/5 (7 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: