Vieiros

Vieiros de meu Perfil


Fwwwrando

RSS de Fwwwrando
UNHA AXENCIA DE MARKETING DE INFLUENCIA É A CREADORA DA PÁXINA

Unha web feminina, que non feminista, en folga de colaboradoras

As usuarias descobren que tras a rede social se atopan intereses empresariais

Redacción - 14:05 28/12/2007

Os movementos de folga gañán forza tamén na Internet. O sitio Ladiesroom, que se cualifica como a "primeira revista feminina que debe lerse e escribir", acaba de sufrir unha protesta das súas colaboradoras. Enfrontouse a unha "folga dos avatares".

Mulleres que contribuían regularmente ao mantemento da web polo envío de artigos ou crónicas consagrados á moda, á parella, á familia, etc, decidiron deixar descansar o teclado e o rato.

E para que as usuarias habituais da web estean informadas do seu movemento de protesta, decidiron "espir os seus avatares", a pequena figura estilizada que cada unha pode utilizar como unha sinatura propia da persoa real que participa. Durante a folga, aparece só a silueta negra que se indica sobre a porta dos aseos para mulleres, de aí o nome de Ladiesroom. A razón desta rebelión? Unha colaboradora da web, máis curiosa que outros, preguntouse sobre o instigador do proxecto.

Descubriu que se trataba dunha axencia de comunicación, a sociedade Heaven. Agora ben, na sección "Con respecto a Ladiesroom", espazo consagrado á presentación de "quen fai que" na web, non se facía mención. Esta falta de transparencia chocou a outras mulleres que contribuían cos seus artigos. Anexáronse a esta protesta que desembocou nunha folga.

Esqueceron poñelo na web

"sobre os 400 membros de Ladiesroom que enviaban contribucións, unhas 50 estaban en folga", segundo Arthur Kannas, cofundador da axencia Heaven, que xustifica este "esquezemento de presentación", pola precipitación coa que se lanzou a revista en liña, a finais de setembro.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: