Vieiros

Vieiros de meu Perfil


Edición xeral

RSS de Edición xeral
UN FALECIDO E DOUS FERIDOS GRAVES EN FIN DE ANO

O balance de 2007 remata con aumento de mortes nas estradas

Mentres a nivel estatal se rexistran os mellores datos dos últimos corenta anos, en Galiza o ano conclúe con dous falecidos máis respecto ao ano anterior: 266 mortes en accidentes de tráfico.

Redacción - 09:00 02/01/2008

Un total de 266 persoas faleceron en accidentes de circulación na rede de estradas galegas, o que supón dúas persoas máis que o pasado ano. Do total, 98 correspóndense coa provincia da Coruña; e 77 coa de Pontevedra. Nas vías interurbanas da provincia de Lugo contabilizáronse 57 mortos, mentres que Ourense sumou 34.

Nesta fin de 2007, a última vítima mortal rexistrouse en Silleda, ao bateren un camión e unha furgoneta de repartición de pan. Outras dúas persoas resultaron feridas graves en senllos accidentes de circulación na mesma estrada, a AC-214, ao seu paso pola localidade de Cambre.

Paradoxalmente, no conxunto do Estado a cifra total de mortos nas estradas quedou en 2.712 falecidos, o que implica que por vez primeira en corenta anos ese número baixa da barreira das tres mil mortes. Isto supón un descenso de case o 10% respecto ao ano anterior.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: