Vieiros

O Índice de Prezos de Consumo Harmonizado (IPCA) no Estado Español situou a súa taxa anual nun 4,3% en decembro, segundo o indicador adiantado polo Instituto Nacional de Estatística (INE). O dato supón o maior nivel dende que en xaneiro de 1997 o INE comezara a facer este tipo de rexistros. Os datos sírvenlle ao Eurostat para o cálculo da inflación an UE. Dende o INE subliñan que o indicador adiantado é orientativo e non ten porque coincidir co dato definitivo, que se dará a coñecer o vindeiro 15 xaneiro.

Por outro lado, o número de parados rexistrados no Inem subiu en 106.674 persoas durante o ano pasado situándose o número de desempregados en 2.129.547, segundo os propios datos do Ministerio de Traballo e Asuntos Sociais.

Galiza sálvase da queima
De todas as comunidades que conforman o Estado Español, o noso país é o que presenta os mellores datos en materia de desemprego. Mentres que a tónica xeral a nivel estatal foi a de máis paro, en Galiza 2007 pechou con 5.684 parados menos. Tan só o mes de decembro foi negativo neste sentido, xa que aumentou o número de desempregados un 1,48%.