As seleccións galegas buscan o pase á final en Logroño
O fútbol galego de base participa nos campionatos estatais de idade escolar, que se desenvolven deica a segunda feira en Logroño.
O fútbol en idade escolar / Flicr: Maulon!
Despois de que se desenvolvese a pasada semana o Campionato Estatal das categorías sub-18 e sub-14 (no que Galiza foi unha das primeiras clasificadas para a seguinte fase), esta semana Logroño acolle o mesmo campionato, mais desta volta de rapaces e rapazas sub-16.
Dende esta sexta feira e até a segunda as 18 seleccións autonómicas cadetes, na categoría masculina e feminina, hanse enfrontar entre elas para gañar o Campionato Estatal.
Na categoría masculina participan Estremadura, Castela e León, Madrid, Canarias, Valencia, Euskadi, Aragón, Galiza, Cantabria, Andalucía, Cataluña, Navarra, Murcia, Asturias, Baleares, Ceuta, Melilla e A Rioxa. As mulleres teñen catro equipos menos (o de Ceuta, o de Melilla e os de Euskadi e Cantabria).
Os enfrontamentos dentro de cada grupo celebraranse durante os tres primeiros días de competición -dende mañá-, mentres que a segunda feira hanse celebrar os cruces e as finais, para coñecer aos clasificados para a fase final.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto