Vieiros

Vieiros de meu Perfil


Edición xeral

RSS de Edición xeral
Mohamedu Haiba, subdelegado saharauí en Galiza

"Se non hai un cambio de actitude, habemos de ir á guerra con Marrocos"

O representante da República Árabe Saharauí Democrática no noso país fala para Vieiros da terceira rolda de negociacións co goberno marroquí que comeza este luns en Nova York.

Fernando Arrizado - 13:39 07/01/2008

Que agardan desta terceira rolda de negociacións?
En principio que a ONU se poña en serio na resolución do conflito. Xa despois, afirmar que tal e como acordaron os representantes do pobo saharauí no último congreso que tivo lugar en Tifariti entre os días 12 e 18 de decembro, se non hai un cambio de actitude por parte do goberno de Marrocos, habemos de ir á guerra. Queren instaurar a autonomía, algo que nós xa dixemos que aceptaríamos sempre e cando así o decida o pobo saharauí en referendo, mais non pola forza.

Son vostedes optimistas?

Vendo o resultado das últimas dúas veces o que podemos dicir e que Marrocos non ten vontade de modificar a súa postura.

Que opinan da actitude do goberno español respecto ao conflito?

O Estado Español ten unha débeda histórica cos saharauís que cederon a soberanía do noso territorio a Marrocos. Porén xa se posicionou, ao igual que Francia, do lado marroquí apoiando a proposta autonómica.

A pasada fin de semana, o presidente da República Árabe Saharauí Democrática, Mohamed Abdelaziz, solicitaba a protección da ONU "ante a represión marroquí contra as poboacións saharauís"...

En maio de 2005 comezou a intifada popular do pobo saharauí. O goberno marroquí reprimiu reiteradamente todas as manifestacións pacíficas para pedir a saída de Marrocos dos territorios ocupados. Observamos ultimamente un cambio de actitude pola súa banda: dos encarceramentos indiscriminados pasouse ás malleiras e ás torturas. Son xa moitos anos de ocupación...

Terceira oportunidade para a fin do conflito marroquí-saharauí


4,33/5 (6 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: