Vieiros

Vieiros de meu Perfil


Máis Alá

Xestionado por Vieiros
RSS de Máis Alá
OS GAÑADORES DE A POLO GHIT

Sacha na Horta enche no seu debut en Compostela

No seu primeiro concerto encheron o soto do CS O Pichel de xente saltando ao ritmo dunha chea de temas novos, algunhas versións e o coreado Biocultivos.

Redacción e vídeo: A. Rodríguez / Edición: Lucía Iglesias - 14:45 07/01/2008

Era a primeira vez que tocaban xuntos os nove, aínda que moitos deles xa tiñan experiencia (veñen de grupos como Festicultores, A Matraca Perversa ou Galegoz) sobre os escenarios.

Cheo... a rebentar!
Esta sexta feira o CS O Pichel estaba cheo. Case todo o mundo quería saber quen formaba o misterioso grupo que gañara o concurso da canción galega do verán 2007, A Polo Ghit!, co tema Biocultivos. Tamén había moitos amigos, e o ambiente, entre follas de repolo e chimpos solidarios, foise quentando.

Estrearon temas propios, botaron Biocultivos un par de veces, fixeron unha versión d'Os Resentidos e outra da Matraca Perversa, cantaron o himno da Marcha Mundial das Mulleres e animaron ao público ao berro de "Barbeito por dereito!".

Velaquí vai unha mostra, pequena, do que foi o concerto (co tema bilingüe, en galego e catalán, Mamá Sarinha; unha oda ao espirituoso licor café; e un chisquiño de Biocultivos); e unha entrevista que Vieiros conseguiu facer, meténdose no backstage cos 9 integrantes de Sacha na Horta. Alí contáronnos as súas impresións após a súa estrea e que hai vontade de seguir, e, tal vez, de gravar algo, en atopando patrocinio.


4,93/5 (14 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: