Vieiros

Vieiros de meu Perfil


Edición xeral

RSS de Edición xeral
Xaneiro negro no sector pesqueiro e marisqueiro

Desaparece un percebeiro en Ferrol

Ás mortes de dous mariñeiros o pasado mércores en Bueu e ás doutros dous a mañá deste luns no Vicedo hai que sumar agora a desaparición dun percebeiro.

Redacción - 19:19 07/01/2008
Tags: 2008 mar mortes

O percebeiro Xosé Xavier Varela González, de 39 anos, desapareceu en Ferrol este luns á mañá cando apañaba o crustáceo na zona de Doniños. Estiveron a participar nos labores de busca un helicóptero e embarcacións de salvamento marítimo, que suspenderon a actividade pola tarde debido ao mal tempo.

A este suceso hai que sumarlle dúas mortes no mar que se produciron na mesma xornada pola mañá no Vicedo. Aquilino Calvo, de 57 anos, e Xosé Yáñez, de 44 anos, faleceron ao envorcar a embarcación na que faenaban fronte á illa Coelleira por causas que aínda se están a investigar. Aos dous mariñeiros practicóuselles a autopsia en Burela. O Concello do Vicedo decretou tres días de loito oficial.

O pasado mércores perderon a vida no mar outras dúas persoas: Francisco Villanueva Fernández, de 59 anos, e Gonzalo Verde Otero, de 40, morreron en Bueu cando saíron a pescar centola nunha gamela no medio dun temporal.


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: