Vieiros

Vieiros de meu Perfil


Edición xeral

RSS de Edición xeral
melloras do acceso a Vigo

Inician o trámite de desdobramento do Corredor do Morrazo

A Consellaría de Política Territorial quere evitar futuros problemas de tráfico.

Redacción - 17:55 09/01/2008
Corredor do Morrazo

Corredor do Morrazo

Coa redacción do proxecto, o departamento que dirixe María Xosé Caride pon en marcha os trámites para proceder ao desdobramento do Corredor do Morrazo. Esta actuación é unha das posibilidades que Política Territorial contempla para facilitar as manobras de acceso a Vigo e evitar así problemas derivados do aumento do volume do tráfico.

Ademais deste proxecto, a conselleira recordou que está pendente, por parte do Ministerio de Fomento, a nova infraestrutura O Porriño-Vigo. Pola súa banda, a Xunta tamén iniciou os trámites para unha conexión deste tramo co Segundo Cinturón da cidade olívica, co fin de mellorar a comunicación para a zona na que está previsto o novo hospital e a ampliación da Ponte de Rande. Esta última obra podería tramitarse en pouco tempo, se se soluciona o acordo entre os seus titulares, Fomento e Audasa.

O Concello de Vigo contará tamén cun Plan Sectorial de Accesos e Estradas como xa o teñen Compostela ou A Coruña. Nesta última cidade, a conselleira afirmou ter axilizado o proceso administrativo para mellorar os accesos, e destacou que xa está en obras a Terceira Ronda.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: