Vieiros

Vieiros de meu Perfil


Edición xeral

RSS de Edición xeral
INVESTIGACIÓN

Unha testemuña nega que o presunto membro de ETA Igor Portu se resistise durante a detención

Prestou declaración no Xulgado de Bergara para dar unha versión diferente á oficial.

Redacción - 18:00 10/01/2008

Unha persoa que presenciou a detención de Igor Portu e Mattin Sarasola o pasado domingo asegura que durante os arrestos os presuntos membros de ETA non opuxeron resistencia. Segundo a testemuña, que declarou no Xulgado de Bergara, as detencións producíronse entre as 10 e 10.30 horas. Este cidadán afirma que cinco patrullas da Garda Civil dirixíronse a dous montañeiros que baixaban dun monte próximo. Logo de rexistrarlles as mochilas e atopar as pistolas foron esposados e introducidos nos vehículos.

A testemuña asegura que decidiu acudir á xustiza ao ver que nos medios de comunicación se afirmaba que un dos detidos resultara gravemente lesionado durante a detención, algo que este cidadán nega rotundamente.

Poden ver na edición dixital do Gara a noticia e a declaración íntegra da testemuña no xulgado.


5/5 (7 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: