Vieiros

O ciclista Marcos Serrano deixou de pertencer ao Karpin Galicia ao quedar rescindido o contrato que vinculaba ao corredor co equipo profesional galego para a tempada 2008.

As dúas partes subscribiran un acordo a finais de 2006 con vixencia para as tempadas 2007 e 2008, mais, segundo contan dende o KGZ, debido ás "pautas que marcou este deporte nos últimos tempos", a presenza do corredor nas probas máis relevantes do calendario viuse frustrada, co "consecuente prexuízo para ámbalas dúas partes".

Corredor e equipo ían comezar 2008 como tiñan planeado, mais as súas espectativas viñan reducidas de antemán, o que fixo que o KGZ decidise rescindir o contrato de Serrano, "unha das grandes referencias do ciclismo galego", en palabras do equipo ciclista profesional galego.