Vieiros

Vieiros de meu Perfil


Máis Alá

Xestionado por Vieiros
RSS de Máis Alá
REVISTA 'ARRAIANOS'

Quen anda aí?

O último número da publicación, que inicia unha nova xeira, afonda nas transformacións do rural e na súa situación actual.

Redacción - 09:45 15/01/2008

O sétimo número de Arraianos, promovida pola Asociación Arraianos, dirixida polo xornalista Aser Álvarez e editada por Alvarellos, publica un monográfico sobre A vida nas aldeas e as fondas transformacións -o abandono do rural- que presidiron o último cuarto de século. Neste número Arraianos conta coa colaboración de Pedro de Llano, Agusto Pérez Alberti, Marcial Gondar, Francisco Sineiro, Plácido Lizancos, Xosé Manuel Pereiro ou Anxo Angueira.

A revista fala dos caciques, das aldeas abandonadas, da Raia Seca, das perspectivas da economía rural, e mesmo dos escornabois ou dos lobos. Conta ademais con seccións fixas de crítica literaria (Andel de libros), fotografía (Manuel Sendón, Ramón Godás) e creación (Fernández Naval, Niebro, Olga Novo, Chus Pato, Rábade Paredes, Daniel Salgado, Elvira Riveiro...).

Finalmente, inclúe un editorial, titulado Quen anda aí? que afirma "No tocante ao rural, seguimos entre a ideoloxía da maquinaria pesada e o quilovatio, a barbarie progresista, e a procura romántica do ser nacional embaixo da boina dos paisanos, do Santo Grial no rabo dunha vaca. Miseira mental e política (ou prepolítica). Populismo, clientelismo, anarco-capitalismo, simple desleixo, delincuencia pura e dura... Non hai trapallada que non atope aquí a súa patria".


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: