Vieiros

Vieiros de meu Perfil


Edición xeral

RSS de Edición xeral
Organizada por Democracia Nacional

Finalmente prohíben a manifestación "contra a escoura chegada de afastadas terras"

A delegación do goberno en Madrid déralle inicialmente o visto e prace á organización Democracia Nacional para desenvolver esta protesta con trazos racistas.

Redacción - 10:00 15/01/2008
Detalle do cartaz

Detalle do cartaz

A delegación do goberno español en Madrid autorizara, esta segunda feira, unha manifestación convocada por Democracia Nacional (DN) para o vindeiro domingo 20 de xaneiro, ao mediodía, fronte o Ministerio de Asuntos Sociais, en protesta polo "auxe da inmigración ilegal e masiva en Madrid e o consecuente aumento da delincuencia e inseguridade rexistrado nas últimas datas".

A última hora, a delegación do goberno informou de que esa manifestación se prohibiu e comunicou que presuntamente existiría unha fraude de lei por parte de DN ao diferiren "radicalmente" a solicitude para a marcha e a nota e lemas finalmente usada por DN para súa difusión pública.

Na súa web, a organización de ultra dereita chamaba aos seus afiliados a participar nesta manifestación pola "seguridade cidadá": "non fiques impasíbel vendo como o destrúen todo!". Na nota da convocatoria, claramente racista, tamén chamaban a varrer do país "a toda esa escoura chegada de afastadas terras".

Segundo membros do partido, os responsábeis locais de DN xa pediron autorización estando seguros de a conseguir, posto que se trataba "dunha iniciativa lexítima convocada por un partido político legal".

"Pola seguridade cidadá. Recuperemos Madrid. Así non se pode vivir"

Baixo este lema Democracia Nacional convocaba a protesta porque considera que a inseguridade dos cidadáns viuse multiplicada "con roubos, asasinatos, atracos e violencia extrema, que son o pan de cada día".

Hai agora dous meses, o 11 de novembro, o mozo Carlos Palomino morría asasinado na Estación de Legazpi, nun vagón do Metro, por un mozo que acudía a outra manifestación convocada en Usera por Democracia Nacional.


1,4/5 (10 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: