Vieiros

Vieiros de meu Perfil


Máis Alá

Xestionado por Vieiros
RSS de Máis Alá
O LÍDER POPULAR DIXO QUE O GOBERNO 'É DE CÓMIC'

A banda deseñada galega reclámalle a Feijoo 'respecto'

A Asociación Cultural BD Banda lémbralle ao Presidente do PPdeG a importancia cultural desta arte e o alto nivel das producións galegas.

Redacción - 19:35 14/01/2008

Entre as críticas que Núñez Feijoo dirixiu ao goberno da Xunta esta fin de semana, estivo o da falta de seriedade. Pero o líder dos populares galegos empregou unha comparación, facendo referencia á "crise de cómic" que na súa opinión viven os dous socios do goberno, que non gustou aos creadores galegos de banda deseñada.

A Asociación Cultural BD Banda pediulle esta tarde a Núñez Feijoo "respecto" para o cómic, "considerada a novena arte, en igualdade de condicións co cinema, a literatura ou a pintura". Ademais, lémbranlle que na actualidade Galiza "está á cabeza do Estado en canto a calidade e cantidade de autores neste campo. Ademais, engaden que "somos moitas as persoas que traballamos para normalizar a BD no noso sistema cultural e desligala precisamente da imaxe marxinal que o Señor Feijoo semella darlle".

En consecuencia pídenlle ao presidente do PPdeG que "e considera que o actual goberno da Xunta ten unha actuación pouco seria, recorra a outros símiles culturais que si levan implícita a carga satírica que el semella outorgarlle ao cómic: sainete, comedia, farsa ou o esperpento".


5/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: