Vieiros

Xusto en fronte da casa museo de Anna Frank, en Amsterdam, érguese un castiñeiro centenario que os veciños e curiosos relacionan coa pequena xudía máis famosa da historia.

Como a árbore xa vai vella e corre perigo de caer e danar as casas ou a algún peón que pase pole beirarrúa, as autoridades municipais da capital holandesa e os membros da Fundación Anna Frank decidiron cortala. A decisión última están nas mans dun xuíz, que esta cuarta feira decidirá sobre os designios do vello castiñeiro.

Peticións para salvar a árbore, xogos e unha webcam que a grava permanentemente
Mais hai moita xente en contra de que se corte a árbore, que consideran parte do legado da nena. De feito, hai unha petición na rede para salvar o castiñeiro, que nestas últimas semanas se fixo moi famoso (tamén hai varios xogos na rede relacionados coa árbore, teñen instalada, enfocando cara ela, unha webcam, e a mesmo a Wikipedia lle dedicou unha extensa entrada).