Vieiros

Vieiros de meu Perfil


Fwwwrando

RSS de Fwwwrando
PARA OS ALUMNOS DE SECUNDARIA DOS EUA

A NASA quere o seu propio mundo virtual

Subliñan o potencial crecente dos mundos virtuais para a educación en xeral, e para as ciencias e as técnicas en particular.

Redacción - 13:52 17/01/2008

A NASA métese de cabeza no universo virtual. Fai algúns días, Wired anunciaba que a axencia espacial americana preparaba un medio ambiente sintético destinado a servir de "chat room" realista entre astronautas sobre Marte ou sobre a Lúa mentres as súas familias quedaban na Terra. O seu departamento de técnicas de aprendizaxe lanzou oficialmente unha "solicitude de información" aos usuarios dos mundos virtuais, antes de lanzar as ofertas en marzo.

A NASA suliña o potencial crecente dos mundos virtuais para a educación en xeral, e para as ciencias e as técnicas en particular (e o Pentágono quedou abraiado do poder de comercialización do videoxogo despois da experiencia "America' s Army"). Fai pois pedido para un "MMORPG educativo" (xogo de rol en liña) cuxos antecedentes sería o da propia NASA. O obxectivo: os alumnos de secundaria americanos.

Da parte da técnica, a axencia pide un motor físico potente permitindo realizar simulacións de experiencias científicas. Hai présa por pasearse no ISS en ingravidez e de saltar sobre a Lúa.

Será sobre todo pasionante ver a trama e a posta en escea eos antecedentes que a NASA adoptará ao final. O xogo só explotará as posibilidades actuais, co envío de sondas no sistema solar e de astronautas sobre o ISS? Un pouco austero, pero parece que está mal visto que a NASA se lance á ciencia ficción total, con viaxe interestelar e combates galácticos incluídos.

O xogo deberá conectarse ás misións presentes e futuras. Un marco crible e atractivo para as xogadores sería o do programa Constellation, que prevé o establecemento de bases humanas sobre a Lúa e sobre Marte. Ata entón, facede quentar as escafandras e revisade o manual de control de lanzadeira.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: