Vieiros

Os amigos Carlos, Manolo Vila, Nacho e Marcos reciben con predisposición e agarimo a responsabilidade de fornecernos a todos de música e produtos da zona na acollida. Estes mozos, membros da Asociación Cultural de Chaínza, non escatimarán esforzos á hora de deixar a infraestrutura lista para o día.

O emerxente debuxo de ideas desempacadas na xuntanza deron a pista do que finalmente será o medallón co seu lema. Nesa arte lingüística, de son lírico, acada un importante status o lema “Rexos como carballos” do que daremos conta. Para a temática, tense en conta que moi preto atópase a Bretoña de Maeloc, o carballo de Luxís; aquí naceron experiencias significativas no eido das cooperativas.

Significa que, elementos como as vacas, o leite, o traballo da xente e o carballo, estarán dalgún xeito, representados na vindeira Romaxe. En palabras de Pepe Chao: “volverase ás raíces, ás orixes; potenciaremos o simbolismo da Galicia de Maeloc”. Este será o pasto co que Manolo Regal, coa axuda de Xan e Xabi, alimentarán á liturxia. E que haberá despois do xantar? Festa e máis festa da man da Quenlla para rematar na Oración da tardiña que se debate entre o carballo de Luxis, en Meira e o Pedregal de Irimia.

Proseguiu a xuntanza no lugar onde o vindeiro 13 de setembro. Darase cabida a miles de persoas para celebrar a Romaxe. Lugar insólito que semella esperar a visita dun; teno todo: a carballeira, o Miño, verdor, frescor, aire puro... así é a Romaxe de Crentes Galegos, cada ano lévanos por un recuncho máxico deste país.

E neste clima de abraio, caligrama de natureza, divisamos o devandito carballo dende o lonxe coma tesouro afouto en terra fecunda e chairega. Algo ten o lograr que xentes de tan diversos eidos e lugares reparasen nel. Algo que une a vida da xente coa vida da terra. Unha obra de perfecta execución, de colosais dimensións e múltiples ramificacións que vimos in situ. Para facer boca, a modo de resumo, velaí van as primeiras estrofas do poema de Xosé Crecente Vega e do poema-oración de Manolo Regal ante o carballo de Luxís. Ata a seguinte reunión o 23 de febreiro novamente en Muimenta.