Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Xa se saben os ciclistas que correrán no Tour de Langwaki

Os novos do KGZ van a Malaisia

David García, Ramón Troncoso, Gustavo César Veloso, Juan F. Mourón, Vladimir Isaychev e Alejandro Paleo estrearán o ano no outro lado do globo.

Redacción - 17:10 28/01/2008
Mourón tamén estará no Tour de Langwaki

Mourón tamén estará no Tour de Langwaki

Terminada a concentración desenvolvida polo equipo ciclista profesional galego no Baixo Miño, Álvaro Pino deu a coñecer os nomes dos seis corredores que irán ao Tour de Langwaki, en Malaisia, que comeza o vindeiro 9 de febreiro, e con el a tempada ciclista.

David García, Ramón Troncoso, Gustavo César Veloso, Juan F. Mourón, Vladimir Isaychev e Alejandro Paleo son os escollidos por Pino, quen ademais comentou ao respecto: "haberá que contar co nivel dos rivais, pero sobre o papel levamos un bo equipo, con xente que demostrou na concentración ter xa unha boa condición física e moitas ganas. Para o equipo subir ao podio na primeira competición no seu debut fóra de Europa é un aliciente importante e por iso imos con máis motivación se cabe".

O técnico xa tiña destacado a Troncoso, Mourón e Veloso como tres dos corredores que na concentración demostraran atoparse a mellor nivel e, polo tanto, deberían ser as puntas de lanza do equipo en Malaisia. A expedición, con Álvaro Pino e Rodrigo Costas (manager do equipo) á fronte, sairá o 4 de febreiro do aeroporto do Porto, nunha viaxe con escala en Frankfurt, e regresará o día 20.

O resto, a Mallorca e Andalucía
Os demais integrantes do equipo acudirán á 'Volta a Mallorca' baixo a dirección de José Ángel Vidal e con Ezequiel Mosquera como líder. O ciclista de Teo quere repetir a súa actuación da pasada tempada, cando acabou terceiro despois de ter estado dous días de líder.

Jesús Blanco Villar, o outro director deportivo do KGZ, dirixirá o equipo na 'Vuelta a Andalucía', entre o 17 e o 21 de febreiro.


Ligazóns

0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: