Vieiros

Vieiros de meu Perfil


Edición xeral

RSS de Edición xeral
Sentenza aínda non asinada polo presidente

O Senado afgán apoia a condena a morte dun estudante que descargou un artigo supostamente "blasfemo"

Concentracións en denuncia diante da sede da ONU en Kabul e protestas de ducias de colectivos en defensa dos dereitos humanos.

Redacción - 09:00 01/02/2008
Portada do 'The Independent' deste venres

Portada do 'The Independent' deste venres

Logo da caída do réxime talibán e co país controlado por tropas internacionais, Afganistán ofrece exemplo das febles condicións democráticas nas que vive a poboación.

Pervez Kambaksh, estudante de 23 anos, foi condenado a pasada semana nun tribunal por descargar da rede e presuntamente difundir entre varias persoas un artigo que a xustiza afgá considerou que "insulta o Islam".

O xuízo realizouse a porta pechada, e a propia ONU advertiu de que o mozo non contara con asistencia legal durante o proceso. Así e todo, trasladada a sentenza a morte ao Senado, a cámara apoiou a decisión, coa sinatura do propio Sibghatullah Mojaddedi, importante aliado do presidente Karzai. De feito, a Karzai correspóndelle agora a responsabilidade de asinar ou non a sentenza.

Vincent Brossel, delegado en Asia da organización Reporteiros Sen Fronteiras, explicou para a BBC que "hai moi poucas probas contra Kambaksh". "Cando les o artigo ves que non hai nada contra o Islam, senón que é simplemente unha análise do que di o Corán sobre o papel das mulleres". Brossel tamén considera que Kambaksh, estudante de xornalismo, é un obxectivo menor para os cregos afgáns, que terían coma obxectivo real a seu irmán maior Ibrahimi, un xornalista de investigación do norte do país que recibiu xa varias ameazas por afondar en violacións dos dereitos humanos.


4,5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: