Vieiros

Vieiros de meu Perfil


Máis Alá

Xestionado por Vieiros
RSS de Máis Alá
PREMIO AO MELLOR AUTOR TEATRAL EN GALEGO

'Emigrados' leva o Max

A obra de Xose Manuel Pazos Varela, Candido Pazo Gonzalez, Suso de Toro, Anxos Sumai e Sonia Delgado superou ás de Eduardo Alonso e Ánxeles Cuña.

Redacción - 09:30 05/02/2008

O Marat-Sade de Animalario foi o gran triunfador dunha noite na que o teatro galego tamén estivo representado. O Premio ao mellor autor teatral en galego foi finalmente para Emigrados, de Xose Manuel Pazos Varela, Candido Pazo Gonzalez, Suso de Toro, Anxos Sumai e Sonia Delgado. Tanto Pazó como De Toro repiten premio, que xa obtiveran en 2002 (por Ñiki Ñake) e en 2004 (por Círculo), respectivamente.

A obra de Teatro de Ningures engarza textos dos cinco autores, nunha montaxe que en forma de mosaico trata o tema da emigración, da inmigración, do retorno e do desarraigamento, conformando un cadro xeral. Nas representacións de Teatro de Ningures a interpretación correu a cargo de Casilda García, Sonia Rúa, Mónica Camaño, Pepa Barreiro, Santiago Cortegoso, Fran Paredes e Salvador del Río; en tanto que a escenografía está deseñada por Pablo Giráldez "Pastor" e o vestiario por Carlos Alonso. Anxo Graxa compuxo a música e Etelvino Vázquez fíxose cargo tamén da iluminación.

Plataforma, a derrotada
Animalario levou o premio ao mellor espectáculo teatral, mentres que Mario Gas, co seu Ascenso y caída de la ciudad de Mahagonny, de Brecht e Kurt Weill obtivo o de mellor espectáculo musical. Tamén foi unha boa noite para Juan Mayorga , que gañou dous premios: o de mellor adaptación por Un enemigo del pueblo de Ibsen, e o de mellor autor teatral en castellano por El chico de la última fila. O gran derrotado foi Calixto Bieito, cuxa Plataforma acumulaba o meirande número de nominacións e tivo que se conformar con algún premio técnico e co de actor de reparto para Carles Canut.


4,8/5 (5 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: