Vieiros

Vieiros de meu Perfil


Edición xeral

RSS de Edición xeral
Ao igual que EUA e Xapón

A UE pretende rexistrar as impresións dactilares de todos os viaxeiros

O diario estadounidense Washington Post tivo acceso a unha proposición elaborada pola Comisión Europea neste senso.

Redacción - 11:40 13/02/2008
Os datos persoais serían compartidos cos gobernos aliados

Os datos persoais serían compartidos cos gobernos aliados

A Unión Europea vai someter a todos os viaxeiros que traspasen as súas fronteiras a un rexistro das súas impresións dixitais, segundo afirma o diario estadounidense Washington Post. O xornal tivo acceso ao texto da proposición elaborada pola Comisión Europea que se podería dar a coñecer esta cuarta feira.

O proxecto permitiría recoller a información persoal de decenas de millóns de viaxeiros que entran ou saen da UE. Isto implica que os datos serían compartidos cos servizos de seguridade doutros 'países amigos'. Ademais, "algúns viaxeiros" -segundo o diario- serían tamén fotografados.

Na práctica, a medida serviría para comprobar que a información recollida á entrada dun viaxeiro se corresponda coa de saída, e viceversa, co obxectivo de -segundo os seus impulsores- loitar contra a ameaza terrorista e a inmigración ilegal.

De se confirmar a noticia -e de ser aprobada polo Parlamento-, a Unión Europea uniríase a Estados Unidos e Xapón que xa practican controis biométricos nas súas fronteiras. A administración do país norteamericano xa dispón dun ficheiro con 85 millóns de impresións dixitais.


1/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: