Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Dirixidos por Arsenio Iglesias

Os veteranos do Depor debutan na casa contra o Barça

Gañaron o seu primeiro partido da Liga Indoor contra o Athletic, e o seguinte será a vindeira sexta feira.

Redacción - 13:35 13/02/2008
Na Liga Indoor xogan as figuras do fútbol estatal xa retiradas, entre elas, Fran

Na Liga Indoor xogan as figuras do fútbol estatal xa retiradas, entre elas, Fran

Despois de gañar por primeira vez hai dúas semanas contra o Athletic Club de Bilbao, os veteranos do Depor xogan, por primeira vez, na casa, contra o Fútbol Club Barcelona. O partido será a vindeira sexta feira no Pazo dos Deportes de Riazor, ás 20:00 horas.

Alí estarán, con toda a súa gloria, míticos do Deportivo, coma Fran, José Ramón, Donato, Songo'o ou Naybet, que vai viaxar até A Coruña só por xogar co seu equipo. Os que non van poder estar son Bebeto, Djalminha e Mauro Silva.

Dirixidos por Arsenio Iglesias, os xogadores agardan ter todo o apoio da súa afección branquiazul, porque poucas veces se pode ver tanto lendarios deportivistas xuntos.

A Liga de Fútbol Indoor
É auténtica, como a de primeira, cos seus pichichis, os duelos entre equipos, as loitas nas bancadas, a berros... pero cos futbolistas profesionais xa retirados, e máis vellos. É a Liga de Fútbol Indoor.

Aínda así, segue a ser moi seguida pola afección, que agarda ver a vellas e non tan vellas glorias do fútbol estatal outra vez sobre o terreo de xogo.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: