Vieiros

Vieiros de meu Perfil


Edición xeral

RSS de Edición xeral
Advirten do perigo para indios e operarios

Localizan un pobo indíxena non contactado no Amazonas peruano

Traballadores dunha compañía canadense que realiza exploracións petrolíferas na zona toparon coas "casas, carreiros e utensilios" dunha aldea.

Redacción - 12:00 14/02/2008
Mapa de tribos illadas no Perú

Mapa de tribos illadas no Perú

Traballadores da compañía canadense Petrolífera localizaron nas profundidades do Amazonas peruano unha aldea pertencente a un pobo indíxena que nunca fora contactado e que podería ser dos indíxenas cacataibo.

Dous grupos desta etnia nunca foron vistos, malia que unha estrada divide o seu territorio en dous, e de que a súa terra foi aberta á exploración petrolífera por parte do goberno peruano, segundo asegurou a organización de defensa dos pobos indíxenas Survival International.

A ONG foi a que precisou nun comunicado que os traballadores da compañía canadense estaban realizando exploracións petrolíferas cando deron con "casas, carreiros e utensilios" dunha aldea.

Graves consecuencias
Tanto os indíxenas como os traballadores poderían sufrir graves consecuencias, os primeiros porque poderían contraer enfermidades potencialmente mortais como a gripe, e os segundos porque corren o perigo de sufrir represalias se os consideran unha ameaza.

Organizacións indíxenas locais, Survival e moitas outras, advertíronlles ás compañías petroleiras que traballan no Amazonas peruano que se manteñan fóra dos territorios dos indíxenas illados, onde se calcula que hai polo menos 15 grupos.


Ligazóns

5/5 (4 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: