Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
As galegas non pasan de cuartos de final

Primeiro o Celta, e logo o Extrugasa, as opcións de chegar á final foron caendo

As viguesas perderon a mediodía contra o EBE Promociones por 85-66, e as arousáns, a primeira hora da tarde, por 71-61 contra o San José.

Redacción - 18:15 15/02/2008

As opcións galegas na Copa de Raíña de baloncesto feminino esvaecéronse nunhas poucas horas.

O primeiro dos partidos, o que ía enfrontar ao Celta Vigourban contra o EBE Promociones Santa Eulalia, comezou no mediodía desta sexta feira, dun xeito non moi bo para as viguesas, que tardaron en meterse no encontro.

En pouco tempo as diferenzas no marcados íanse acrecentando, e as rivais das galegas demostraron que estaban máis no partido que elas. O equipo celeste foi o primeiro galego en caer da eliminatoria da Copa.

CB San José, 71; Extrugasa, 61
Despois era a quenda do Extrugasa, que viña forte despois do seu paso pola Copa de Europa. Aínda así, as cousas tampouco lles saíron ben ás arousás en Sevilla, e tampouco pasaron, como as viguesas, de cuartos de final, por só dez puntos que lles roubaron as leonesas do San José.

As arousás comezaron forte, pero a partir do terceiro período, as leonesas foron collendo forza, e medrando, mentres ía crecendo, ao tempo, o seu marcador.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: