Vieiros

Vieiros de meu Perfil


Edición xeral

RSS de Edición xeral
ELECTRICIDADE

O conselleiro de Industria pide medidas para reducir o impacto da fin da tarifa nocturna

Fernando Blanco criticou a falta de información que achegou o goberno español sobre a supresión, prevista para xullo.

Redacción - 18:01 20/02/2008

O conselleiro de Innovación e Industria, Fernando Blanco, criticou este mércores no Parlamento a decisión do goberno español de suprimir a tarifa eléctrica nocturna a partir de xullo. Segundo Blanco, hai que introducir medidas para "reducir o impacto da nova tarifa sobre os consumidores", e considerou que os 180.000 fogares afectados vanse ter que enfrontar a "unha tarifa de difícil xestión".

Para o conselleiro, na redución dos efectos teranse que implicar tanto o Ministerio de Industria como as operadoras, e ofreceu a colaboración da Consellaría. Fernando Blanco dixo, ademais, que segue á "expectativa" dos cambios que anunciou o ministro Joan Clos sobre o decreto de eliminación da tarifa, e criticou que hai un "déficit de información considerábel" arredor do asunto.

Blanco puxo de manifesto que en Galiza sairá máis prexudicada ca o resto do Estado coa supresión da tarifa, e que precisa "máis explicacións, máis información e máis axuda".


5/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: