Vieiros

Vieiros de meu Perfil


GZ-Sete

Edición xestionada por Vieiros
RSS de GZ-Sete
Na noite do mércores en Vigo

Paus no lombo, mocazos e un detido na concentración en resposta a un acto contra o galego

Ducias de antidisturbios cargaron contra os arredor de 150 mozos que se reuniran atrás de cartaces co lema "Na Galiza en Galego".

Redacción - 09:15 21/02/2008
Tags:

Un rapaz, membro do colectivo Ceivar, precisou de atención hospitalaria na noite deste mércores despois de ser golpeado na cabeza por axentes da policía. Segundo testemuñas do acontecido, os propios axentes logo de lanzar un petardo iniciaron a carga contra os mozos.

Logo da carga, a policía tamén detivo un mozo, que foi posteriormente trasladado á comisaría. A última hora, producíase unha nova concentración, desta volta diante das dependencias policiais, para esixir a posta en liberdade do rapaz, que será posto a disposición xudicial este xoves.

(Actualización ás 18 horas)
O detido, J.M.P.L, foi posto en liberdade con cargos logo de prestar declaración diante dun xuíz.

Cincuenta mil persoas asinaron contra o galego
Os sucesos aconteceron a poucos metros do Centro Cultural Caixanova, onde a asociación Galicia-Bilingüe organizara unha conferencia. O propio colectivo asegurou este mércores que xa conseguiu recoller nun mes algo máis de 50 mil sinaturas na súa campaña contra as políticas de normalización lingüística e a prol da derrogación da propia Lei de Normalización.



Ligazóns

4.5/5 (20 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: