Vieiros

Vieiros de meu Perfil


RSS de
Negociación PSOE-PP

Debates pactados e mitins particulares

Os sindicatos de xornalistas denuncian que durante as eleccións os partidos políticos queren impoñer os seus criterios nas retransmisións impedindo o dereito á información da cidadanía.

Redacción - 09:00 27/02/2008

A Federación de Sindicatos de Xornalistas denuncia que os partidos políticos están a limitar o libre exercicio profesional do xornalismo na cobertura informativa das campañas, co que están a conseguir que isto imposibilite o dereito á información da cidadanía. Esta afirmación xorde como consecuencia do "triste episodio de negociación" entre PSOE e PP para preparar os debates en televisión entre os seus máximos líderes.

Dende a Federación afirman que a fixación arbitraria dos bloques electorais nos medios de titularidade pública pola Xunta Electoral Central (XEC), "é un insulto e un menosprezo á capacidade e honestidade dos profesionais da información deses medios" e xa foi denunciado por varios colectivos profesionais.

Outra das causas da denuncia é o feito de que os líderes políticos e os seus asesores esixen aos medios entrevistas e debates pactados, situando aos xornalistas na posición de espectadores deses "mitins pactados". Os asesores tamén poñen trabas, segundo indican os sindicatos, para o traballi libre das cámaras, limitándose a ofrecer ás televisións o sinal institucional dos mitins. Coa retransmisión dese sinal "supón traizoar a mesma liberdade de prensa, polo aforro económico que isto lles representa".


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: