Vieiros

Vieiros de meu Perfil


Galego.org

Xestionado por Vieiros
RSS de Galego.org
Chaman á mobilización

Os bretóns piden un ensino bilingüe "como en Galiza"

A Unión Démocratique Bretonne pensa que é a chave para loitar contra a extinción de linguas como as súas: o bretón e o galó.

Redacción - 09:40 27/02/2008
As dúas linguas da Bretaña, galó e bretón

As dúas linguas da Bretaña, galó e bretón

A Union Démocratique Bretonne (UDB) chama á mobilización para conseguir as competencias sobre a ensinanza bilingüe francés-bretón e francés-galó nos colexios de Bretaña, ante os novos programas escolares que quere lanzar o goberno francés.

Contra o novo proxecto educativo francés

Cos novos proxectos educativos, o goberno francés acordou situar as materias de lingua francesa e matemáticas como prioritarias nos colexios, e, paralelamente, está a desenvolver un programa de ensino das linguas estranxeiras, que será xeneralizada dende o primeiro ano de primaria. Para a Union Démocratique Bretonne, "estes dous anuncios que poden parecer paradoxais, quedan totalmente mudos no que se refire ao ensino nas linguas rexionais" e segundo eles, "o silencio é unha confesión das intencións do goberno francés" con estas linguas.

A xestión do ensino bilingüe é a chave para que non desaparezan as linguas rexionais

En setembro de 2007 apareceron os primeiros programas de ensino bilingüe do goberno francés. Naquela altura a UGB (Unión de Profesores en Bretón) cualificounos de "máis do que perigosos pola súa imprecisión e o seu descoñecemento das realidades desta ensinanza en Primaria".

Por todo isto, a Union Démocratique Bretonne chama á mobilización para reclamar a transferencia da competencia no ensino das súas linguas, ademais da ensinanza bilingüe, dun xeito parecido ao que acontece no "País de Gales ou en Galiza, como en moitas rexións de Europa, e que foi a chave para que as linguas específicas destes territorios puidesen ser salvadas da extinción".


Documentos

4.93/5 (14 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: