Vieiros

O Gabinete de Normalización Lingüística do Concello de Vimianzo, en colaboración co Equipo de Normalización Lingüística do IES Terra de Soneira ceibará no Castelo de Vimianzo, o vindeiro venres 29 de febreiro as 12 da mañá perto dun cento de libros donados polo propio centro escolar e pola Biblioteca Muncipal de Vimianzo. Dende marzo de 2007, cando o Castelo pasou a ser un punto oficial de intercambio, saíron dalí uns 145 libros, donados por distintas librarías, bibliotecas, editoriais, ademais de por particulares. Un de cada cinco libros liberados en Vimianzo atópase aínda localizado, pois as persoas que os recolleron inscribiron os seus datos no rexistro da obra.

Ademais desta 'ceiba', o Concello anima a todos os cidadáns a unirse á actividade. O 29 de febreiro celebrarase en todo o mundo o Día Internacional de Bookcrossing. Calcúlase que en todo o mundo a web que rexistra os intercambios conta con medio millón de membros, con máis de tres millóns de libros na súa base de datos.