Vieiros

Malia que na audiencia que tivo lugar esta cuarta feira en Rochefort (Charente-Marítime, Francia) os avogados do Estado Español apelaron á inmunidade deste pola súa condición de país soberano, o maxistrado do xulgado de Primeira Instancia da localidade francesa aceptou os argumentos dos letrados dos demandantes, dous sindicatos de mariscadores e a asociación Keep it Blue.

O Estado Español, xunto co armador e coa compañía fretadora do Prestige, podería ter que facer fronte a unha multa millonaria en concepto de indemnización pola marea negra que provocou o Prestige en 2002, e que chegou até costas galas estragando a campaña dese Nadal. A decisión final coñecerase o 15 de maio.