Vieiros

Vieiros de meu Perfil


Edición xeral

RSS de Edición xeral
PRECARIEDADE

A muller no traballo: máis inestabilidade e menos salario

Un informe da CIG, que emprega datos de 2007, revela que as mulleres cobran até un 27% menos.

Redacción - 18:28 29/02/2008

A Confederación Intersindical Galega acaba de presentar un informe sobre a situación da muller no mundo laboral. As conclusións deixan ver ás claras que a igualdade entre sexos no traballo dista moito de ser unha realidade. O sindicato nacionalista conclúe, con datos de 2007, que a muller sofre máis inestabilidade e salarios máis baixos.

Unha cifra ben elocuente é que a porcentaxe de homes en paro ascendeu o ano pasado até unha taxa do 5,8%, mentres que a da muller superou lixeiramente os dez puntos. De media, elas cobran un 27% menos cada mes.

Mais o informe da CIG tamén revela que a muller traballadora destina 2,3 horas ao día a labores domésticos mentres que os homes dedican a penas unha hora. Sobre o sexo feminino segue a recaer, ademais, o coidado de nenos e maiores.


Documentos

4.67/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: